Dio, Iun Novan Bonvolu Doni al Mi!

Tradukita de Please God, Give Me Something New!. Koran dankon al Jon Z kaj 黄鸡蛋/Ĉitano pro ilia kontrolado.

“Jen... rigardu ĉi tiun <ligilon>. Tamen, vi devas uzi la plej freŝan version de Chrome.” Aĉ! Ĉu ni ne jam spertis tion? 15 jaroj pasis, kaj nun ni reiras rekte al la sama loko, kie ni ekiris… “Plej bone aspekta pere de .” Estas vera domaĝo.

Ne miskomprenu min. Jaroj da laboro por normigi HTML, JavaScript, la DOM, CSS, ktp klarigis multajn malklaraĵojn, kaj tio ja estis necesa. Sed striktaj reguloj ankaŭ sufokas kreadon. Ĉar HTML5 kaj ĝiaj amikoj forigis kelkajn el la limigoj, la pendolo svingiĝi antaŭen. Homoj ekkreas denove. Sed, nun kontraŭas Firefox kaj Chrome anstataŭ Internet Explorer kaj Netscape.

Tamen, estas sistema problemo preter la “foliumiloj militoj.” Ĉu vi memoras AOL? Facebook nun klopodas esti “La Interreto.” Ĉu vi memoras komputilegojn kaj verd-ekrajnojn? Ni puŝis ĉion al la komputila labortablo, kaj nun puŝas ĉion reen “al La Nubo.” Ĉiuj el la kvara kaj kvina generaciaj programlingvoj venis kaj foriris, kaj la plej bonaj, kiujn ni nun havas, estas Java kaj Clojure?! Ĉu vi memoras Ajax, nu mi volas diri DHTML, nu mi volas diri JavaScript? Ĉiuj “novigas,” sed neniu vere faras ion novan, ekscitan, aŭ unikan.

Damne, Tesla ŝtopis 200 lumampolojn teren, kaj lumigis ilin 25-mejloj for de elektra fonto en 1899, kaj Solyndra kaj Prius ankoraŭ estas la plej bonaj? Kio okazas?!

La sinusa ciklo de teknologiaj avancoj ne estus malbona, se ĉiu ciklo donus ion novan. Eble tial mi enuiĝis: ĉiu ciklo ŝajne refaradas la antaŭan ciklon, kaj neniam estas io vere nova kaj ekscita. Ni moviĝas ronde, ne spirale. Ju pli io ŝanĝiĝas, des pli ĉio restas sama. Ĉu Quindlen estas ĝusta, ke ĉiuj rakonto jam estis dirita?

Pensu pri la canvas elemento de HTML5, kiun ĉiuj laŭdas kaj opinias tiel bonega kaj mirinda, 2-dimensia desegno, kiun oni povas influi per JavaScript. Se foliumiloj farigus bonan subtenon por SVG antaŭ 10 jaroj, ni ne nun bezonus canvas. Fakte, ni jam havas tiun “novan, ekcitan teknologion” de 10 jaroj. Bedaŭrinde, SVG estas plibonega mult-maniere. Bedaŭrinde, ni havis 3-dimensian kapablecon per VRM/X3D ekde la 1990-aj jaroj. Bedaŭrine, ni kontentigis nin mem per io, kio estas malpli bona, kaj ni ridetas de orelo al orelo.

Ĉu vi ne ŝatus havi la teknologion de la estonteco 10 jarojn de nun? Tente. Sed mi ne certas ĉu mi deziros tiun… ĉar verŝajne, ĝi estos la sama kiel tio, kion mi jam havas nun dum la pasintaj 10-jaroj. Ĝi nur havas novan kampanjon de merkatiko.